Wim Fourie
Wim Fourie se blog oor Oop-oog reise is ‘n poging om vars te kyk na die lewe met sy werklike reise maar ook kopreise.
Wim se lewensreis het begin op 15 Maart 1954 in Krugersdorp hospitaal as tweede van vier kinders. Vandaar het verskeie dorpe ‘n rol in sy lewensreis gespeel – dorpe waar hy as kind, student en later as volwassene gewoon het: Stilfontein, Klerksdorp, Virginia, Glencoe, Potchefstroom, Stellenbosch, Ladysmith, Komga, Welkom.
Hy het as student ‘n voorsmakie gekry vir reise na die buiteland tydens ‘n besoek aan Switserland in 1976. In 1999 kry hy die geleentheid om saam met vriende ‘n rugsaktoer na verskeie lande in Europa te onderneem. In 2006 bied Lééf tydskrif aan hom en sy reisgenoot die geleentheid om ‘n toer na Turkye te onderneem om ‘n artikel, “In die voetspore van Paulus”, te skryf. Dit word in 2008 opgevolg met ‘n Paastoer na Turkye en enkele Griekse eilande.
Hy en sy reisgenoot woon tans in Welkom. Hy lees graag en versamel boeke. Verdere stokperdjies sluit in : skryf, kreatiewe werk, fliek en reis.
“Of ek reis of oorbly, U bepaal dit. U is met al my paaie goed bekend” (ps 139:3)
Goeie more Wim hoe gaan dit? Weet nie of jy my kan onthou nie ek en jou suster was saam op skool en jyt my skoonma, ta An Storm begrawe, is ek reg? Ek werk tans by Mantovani gastehuis vir Sonja en Kobie Schutte. Geniet jou Sondag. Petro Storm (de Vos)
Dierbare neef,
Dit is wonderlik om jou reis te kan eien aan my eie ervarings en as die Weg in die Waarheid (ons omstandighede en situasies) waarin God ons geplaas het elke dag. Die stryd is egter die KOP stryd of te wel die leuen wat ons wil meesleur deur gehoorsaamheid aan ons vlees – soos wat ons dink en voel.
Vir my in hierdie oop oog reis was Jes 6:9 belangrik naamlik: Julle sien maar julle sien nie, julle hoor maar julle verstaan nie. Ek wou sien en ek wou verstaan en die waarheid daarin was Rom 8:6 naamlik as jy in die vlees lewe gaan jy sterf maar as jy in die Gees lewe sal jy lewe.
Die onderskeid hierin was vir my duidelik wat is die waarheid en wat is die leuen en soos God dit wou as jy vra sal jy ontvang en as jy klop sal Ek oopmaak en as jy soek sal jy vind en het Hy dit aan my BEVESTIG in 1 Joh 2 :27 naamlik Die Gees wat Ek julle mee gedoop het is al wat julle nodig het – julle het NIEMAND anders nodig nie en wat HY julle leer is die WAARHEID en nie die LEUEN nie.
So het dit vir my duidelik geword om in die reis te kan sien, te kan hoor en te kan verstaan moes ek in die GEES lewe en ek het weer gevra dat GOD vir my die onderskeid moet tref en moet wys.
Weer het ek n OPENBARING gekry soos GOD belowe dat as jy in die GEES lewe sal EK aan jou openbaar wat is my wil maar as jy in die GEES lewe sal jy saai wat jy maai. Die OPENBARING was van DAWID wat GOLIAT tussen die oe gegooi het en daardeur het GOD die vyand geopenbaar naamlik: Die boom in die middel van die tuin – die boom van KENNIS van GOED en van KWAAD en die GEES het dit as volg aan my verklaar:
Die BOOM van:
KENNIS: Jou idees, jou slim planne, jou doelwitte
GOED: Jy pluk van die boom van kennis om jou afgod van status, rykdom, plesier en genot te dien
KWAAD: Nou slaag jy nie daarin om jou doelwitte te bereik nie nou probeer jy dit bereik deur te pluk van die boom deur leuens, bedrog, diefstal, losbandigheid, pille, drank edm
Ek het die waarheid begin navolg en leef en het na my ongeluk reeds 11 operasies gehad en GOD was getrou aan sy belofte vlgs Rom 8:28 Alles sal ten goede meweerk en dit het ook.
Jammer ek moet hardloop maar sal weer my gesprek klaar maak neef.
Groete
Die stryd hierin is egter
Dankie Riaan, waardeer jou kommentaar. Dis goed om te weet dat ons wat soveel kleintydherinneringe deel, ook met mekaar die ontdekkings van ons lewensreis kan deel.
Opgewonde en met groot afwagting sien ek Wim se boek is bekendgestel (danksy Facebook)
Ek stuur dadelik ‘n boodskappie dat ek twee boeke wil bestel. Die lewe hardloop met my weg in my Hamster hokkie (werk) en ek kom nie by die koopslag uit nie.
Groot was my verassing en die heerlike samesyn toe Wim en sy Reisgenoot my verras en self die twee boeke vir my bring. Die gebaar het meer beteken as enige iets anders en dit word opreg waardeer.
Ek drink elke stukkie in en dit sit my op binnereise wat ek lankal weg gebêre het. Dit “kalibreerder” my na ‘n besige dag voor ek aan die slaap raak in die aand. Ek is amper te bang die reis raak klaar en die trein stop. Soos ‘n kind wat klein happies neem van ‘n heerlike bordjie basaar poeding, geniet ek dit happie vir happie.
Met kosbare gedagtes wat vorm, waardeer ek Oop-oog Reis. Die kompartemente vou oop voor my.’n Deelgenoot soos Wim is daar nêrens te kry. Dit raak soete herhinnerings vir eendag wat ek dalk nie meer kan lees nie. Dit laat my verder dink, hierdie trein moet verder en groter. Dit moet ‘n Cd en DVD kompartement kry met wiele wat die reis onderneem op ander paaie vir gestremde reisgenote, deelgenote, waarvan die Masjinis, jou stem, en die siel daarvan, die fotos, die reisverhale vertel. Fasette moet ontdek word en die trein moet langer raak, want die stoom mag nie ophou nie. Die reismosaïk bestaan uit baie kleure en moet voltooi word.
Soos jou laaste bladsy tereg sê: Ps 139.3 Of ek reis en of ek oorbly, U bepaal dit. Mag God vir jou die bepaling gee of die Mosaïkreis nog kompartemente moet bykry. Alle sukses.
‘n Deelgenoot in die MosaïkReis.
Sonja – hoe heerlik is dit om medereisigers te hê wat die wese van “oppad-wees” begryp en met die regte binne-proviand die reis aandurf. So word die reis ‘n intense ervaring waar elkeen sy reisverhaal deel en mekaar verryk met die stories wat eie is aan elkeen se pad maar tog iets in gemeen: het die Goeie Herder wat ons lei en ons reis langs vreemd-wonderlike paaie tot by sy doel en bestemming vir ons lei. Ek sal graag verder met jou wil gesels oor nuwe moontlikhede om die “Oop-oog Reis” meer toeganklik vir almal te maak. Baie dankie vir jou uit-die-hart-kommentaar!